Green Card lotereyasi

Boshlashdan oldin: kimlar qatnashishi mumkin?

Rasmiy qoidalar

• Faqat AQSHga immigratsiyasi past bo‘lgan, shu yil ro‘yxatiga kirgan davlatning “native”i qatnasha oladi. Bu odatda tug‘ilgan davlatingiz: hozir qayerda yashashingiz yoki fuqaroligingiz uni o‘zgartirmaydi. Istisno: turmush o‘rtog‘ingiz tug‘ilgan davlatni yoki — siz tug‘ilgan davlatda ota-onangiz tug‘ilmagan va o‘sha paytda u yerda qonuniy yashamagan bo‘lsa — ota yoki onangiz tug‘ilgan davlatni tanlash mumkin.
• DV-2026 qoidasida O‘zbekiston, Qozog‘iston va Qirg‘izistonda tug‘ilganlar qatnasha olardi, Janubiy Koreyada tug‘ilganlar esa qatnasha olmasdi. Bu ro‘yxat har yili qayta belgilanadi.
• Asosiy arizachi AQSHdagi 12 yillik maktabga teng o‘rta ta’limni tugatgan yoki oxirgi 5 yilda kamida 2 yillik tayyorgarlik yoki tajriba talab qiladigan kasbda 2 yil ishlagan bo‘lishi kerak (kasb AQSH Mehnat vazirligining O*Net bazasi bo‘yicha baholanadi). Minimal yosh yo‘q, lekin shu talab tufayli 18 yoshdan kichiklarning ko‘pchiligi mos kelmaydi.
• Bir yilda bir kishi nomidan faqat bitta ariza berilishi mumkin. Ikki yoki undan ortiq ariza bo‘lsa, hammasi bekor qilinadi va o‘sha yili qatnasha olmaysiz. Er va xotin har biri o‘z arizasini berishi mumkin; biri tanlansa, ikkinchisi u bilan birga topshira oladi.
• Arizada turmush o‘rtog‘ingiz va ariza kunida 21 yoshga to‘lmagan, turmush qurmagan barcha farzandlaringiz — tug‘ishgan, qonuniy asrab olingan va o‘gay — ko‘rsatiladi, ular siz bilan yashamasa yoki ko‘chib bormasa ham. AQSH fuqarosi yoki doimiy rezidenti bo‘lganlar kiritilmaydi. Turmush o‘rtog‘i alohida yashasa ham kiritiladi, sud tan olgan qonuniy ajrashish (legal separation) bundan mustasno. Oila a’zosini ko‘rsatmaslik diskvalifikatsiyaga olib kelishi mumkin.
• 2026-yil 10-apreldan arizachi amaldagi pasport ma’lumotlarini kiritadi va uning ma’lumot va imzo sahifasi skanini yuklaydi (JPEG, PDF emas, 5 MB gacha). Istisno faqat: fuqaroligi yo‘q shaxslar; kommunistik boshqaruvdagi davlat fuqarosi bo‘lib, undan pasport ola olmaydiganlar; alohida ruxsat (waiver) oladiganlar.
• Siz, turmush o‘rtog‘ingiz va har bir farzandingiz uchun alohida rasm: rangli, aniq, so‘nggi 6 oyda olingan, oq yoki och oq fonda, yuz to‘g‘ri kameraga qaragan, ko‘zoynaksiz; bosh kiyim faqat har kuni diniy sabab bilan kiyilsa va yuzni yopmasa. Tahrirlangan rasm, hujjatdan ko‘chirilgan rasm yoki oldingi yilgi arizadagi xuddi o‘sha rasm qabul qilinmaydi va diskvalifikatsiyaga olib kelishi mumkin.
• DV-2026 qoidasida raqamli rasm: JPEG, kvadrat, 600 × 600 piksel, 240 KB gacha. Bu texnik talablar har yilgi qoidada e’lon qilinadi.
• Arizada hozir yashayotgan joyingizga eng yaqin AQSH konsullik idorasi ko‘rsatiladi; AQSHda bo‘lsangiz — AQSHdan oldingi oxirgi chet eldagi yashash joyingizga eng yaqini.
• AQSH yig‘imlari: elektron ro‘yxatdan o‘tish uchun 1 AQSH dollari (ariza berishda olinadi); tanlanib, vizaga topshiradiganlar uchun 330 AQSH dollari.
• Ariza faqat AQSH Davlat departamentining shu maqsaddagi rasmiy saytida, har yili kamida 30 kunlik davrda, onlayn beriladi. Sayt manzili va aniq sanalar Federal Register’da e’lon qilinadi. Sizning so‘rovingiz bilan boshqa kishi ham arizani siz uchun to‘ldirishi mumkin.
• G‘oliblar har bir mintaqa bo‘yicha kompyuter yordamida tasodifiy tanlanadi. Tanlangan ariza faqat o‘sha moliya yili oxirigacha (30-sentabr) amal qiladi; undan keyin bu ariza bo‘yicha viza berilmaydi.
• Natijani faqat rasmiy DV saytidagi Entrant Status Check bo‘limida, tasdiq raqamingiz bilan bilasiz. AQSH hukumati tanlanganlarga xat yoki e-pochta yubormaydi.
• Davlat departamenti arizani viza maslahatchisi yoki agentsiz, o‘zingiz to‘ldirishingizni qat’iy tavsiya qiladi. Kimdir yordam bersa, ariza to‘ldirilayotganda yoningizda bo‘ling va noyob tasdiq raqamingiz hamda tasdiq sahifasining nusxasini o‘zingizda saqlang: ularsiz natijani tekshira olmaysiz. Ba’zi vositachilar tasdiq raqamini o‘zida qoldirib, pul talab qilgan.

Bizning xizmat va tavsiyalarimiz

• Bizning xizmat: Sizning roziligingiz bilan va siz bergan, tekshirgan ma’lumotlar asosida rasmiy arizani sizning nomingizdan biz topshiramiz. Topshirishdan oldin ma’lumotlarni ko‘rib chiqasiz. Ariza topshirilgan kunning o‘zida tasdiq raqami va tasdiq sahifasi kabinetingizda paydo bo‘ladi, shuning uchun natijani Entrant Status Check’da o‘zingiz tekshira olasiz.
• Bizning xizmat: Rasmiy 1 dollarlik ro‘yxatdan o‘tish yig‘imi amalda bo‘lsa, uni biz to‘laymiz; sizdan alohida undirilmaydi.
• Tavsiyamiz: Pasport: ushbu tayyorlov xizmati uchun har bir kiritilgan odamning amaldagi xorijga chiqish pasportini tayyorlang. O‘zbekiston fuqarolari uchun bu qizil xorijga chiqish pasporti; ichki ID karta uning o‘rnini bosmaydi. Boshqa davlatlarda pasport rangi boshqacha bo‘lishi mumkin. Rang — bizning amaliy izohimiz; rasmiy talab yuqorida: amaldagi, muddati o‘tmagan pasport.
• Bizning xizmat: Oila hujjatlari: har bir farzand uchun tug‘ilganlik guvohnomasi va inglizcha notarial tarjimasi; turmush o‘rtog‘i qo‘shilsa nikoh guvohnomasi va inglizcha notarial tarjimasi. Diplom/attestat ixtiyoriy. Bular Vitamin Travel tekshiruvi uchun yig‘iladi, ularning barchasi dastlabki DV arizasiga yuklanmaydi.
• Bizning xizmat: Rasmiy topshirishdan oldin jamoamiz shu yilgi qoidalarni, qatnashish davlatini va mumkin bo‘lgan istisnolarni tekshiradi.

Rasmiy manbalar (5-noyabr 2026 da tekshirilgan): 22 CFR 42.33 — Diversity immigrants (as amended 11 March 2026) ↗ · Federal Register — Diversity Visa Instructions for DV-2026 ↗ · Federal Register — Enhancing vetting and combatting fraud in the DV Program (final rule) ↗ · 22 CFR 22.1 — Schedule of fees (item 33) ↗